Проверка на хомологациска сообразност на возило
Проверка на хомологациската сообразност на возилата, односно деловите и на уредите на возилото е постапка која се врши пред царинење на возилото кое се внесува во државата и со кое се докажува дека деловите и возилото се испитани во сообразност
    со оние ЕСЕ регулативи или ЕС/ЕЕC директиви кои се во сила во државата во којашто возилото се увезува.

Оваа проверка е со цел да се спречи увоз на безбедносно и еколошки неподобни возила кои во моментот на увозот и првата регистрација не одговараат на хомологациските прописи во земјата во којашто се увезуваат.

Целта на оваа проверка е:
  • зголемување на активната и на пасивната безбедност на возилата во сообраќајот
  • обезбедување на строго следење на еколошките стандарди со што се штити животната средина
  • се спречува увоз, производство и пласман на несообразни возила и резервни делови со што домашниот пазар се заштитува од неквалитет
  • се врши усогласување на националните прописи со прописите на Економската комисија на Обединетите нации, како и со директивите на Европската унија во оваа област.