При преглед на другите уреди и делови во зависност од видот на возилото, односно приклучното возило на кое се врши технички преглед, се извршуваат следниве проверки на возилото:

• Дали возилото ги има сите уреди, делови и ознаки што се пропишани за тој вид возило
• Дали на мотоциклот се поставени држачи за нозете на возачот и на патникот и држач за патникот
• Дали се ставени рекламни табли и натписи на предната и на задната страна на возилото
• Дали отворот на налевката за полнење на резервоарот со гориво се наоѓа на пропишано место и дали има затворач
• Дали бравите на вратите се исправни
• Дали автобусот и приклучното возило со кое се врши превоз на патници има уред за проветрување

• Дали акомулаторот е зацврстен на пропишан начин
• Дали автобусот со над 25 седишта има прекинувач на главното коло на електричната инсталација и дали тој се наоѓа на пропишаното место
• Дали потпирачот на предното седиште има пропишани осигурувачи
• Дали во патничките автомобили има вградено приклучоци за врзување на сигурносните појаси најмалку за првиот ред на седиштата, како и вградени сигурносни појаси
• Дали потпирачите за глава во патничките автомобили се вградени на седиштата кои имаат сигурносни појаси

• Дали возилата имаат соодветен уред за одмрзнување и одмаглување на ветробранот и уред за греење и проветрување на кабината за возачот и на просторот за патниците
• Дали браниците се во исправна состојба и дали се поставени на пропишан начин
• Дали патничките автомобили имаат вградени уреди за обезбедување на возилата од неовластена употерба
• Дали на моторното возило со вградени уреди за погон на збиен или течен гас, дали е извршено испитување и проверка на исправноста на вградувањето на тие уреди од овластена организација и дали резервоарот со гас е поставен на пропишан начин
• Дали е извршено баждарење (жигосување) на тахографот, што се докажува со потврда, а тракторите имаат вградена безбедносна кабина на пропишан начин